Tengdadóttirin eftir Guðrúnu frá Lundi kom fyrst út 1952–54 í þremur bindum og átti miklum vinsældum að fagna. Þar segir frá ástum og örlögum jafnt sem daglegu lífi til sveita í byrjun 20. aldar. Guðrún frá Lundi hefur einstakt lag á að gæða persónur sínar lífi svo að lesandinn hverfur um hundrað ár aftur í tímann. Á krossgötum er fyrsta bókin í þessum magnaða flokki en nýrrar útgáfu hefur verið beðið lengi.