Nýir snjallari næðisklefar frá Framery

Ný vörulína Framery snjall-næðisklefa hefur litið dagsins ljós. Framery er brautryðjandi í hönnun og framleiðslu á hljóðeinangrandi klefum og leiðandi aðili á heimsvísu í sölu og þróun þeirra. Fyrirtækið hefur það að leiðarljósi að auðvelda fólki að einbeita sér að því sem raunverulega skiptir máli og koma hlutum í verk. Stígðu inn í nýja tíma á vinnustaðnum með hjálp brautryðjandi tækninýjunga frá Framery.

Áskorun Framery felst í því að finna jafnvægi milli sígildrar hönnunar og nýmóðins tæknilausna sem mæta kröfum vinnustaða nútímans. Það var kominn tími til að endurskoða hugmyndina um skrifstofuna og Framery spratt upp úr þörfinni á áframhaldandi mótun atvinnulífsins til framtíðar. Með tæknidrifnum vörum, lausnum, verkfærum og þjónustu leitast Framery við að bæta vinnuflæði með gæðum og úthugsuðum lausnum.

Ný lína Framery heldur í grunngildi forvera sinna; hágæða hljóðeinangrun, leiðandi loftræstibúnað og útpælda lýsingu sem hámarkar upplifun notenda. Áhersla er lögð á þægindi og fjölbreytni í útliti sem gerir notendum kleift að sníða hvert rými eftir sínum þörfum.

Stillanlegt loftflæði og mismunandi ljósastillingar tryggja hreint og gott andrúmsloft á meðan 4G tenging hvers rýmis fyrir sig tengir saman teymi og einfaldar bókun rýma. 8” snertiskjár gerir notendum kleift að nálgast einstaklingsmiðaðar stillingar í háskerpu og með nýjum tæknilausnum á borð við nálægðarskynjara, sjálfvirka loftræstingu og innbyggðan hávaðadeyfi verður til ný lína Framery sem boðar breytta tíma á vinnustöðum samtímans.

Þú stýrir ferðinni enda býðst viðskiptavinum að velja tækni, húsgögn og útlit rýmanna eftir eigin höfði. Rúmlega 3.000 mögulegar litasamsetningar og fjöldinn allur af uppfærslumöguleikum tryggja einstaklingsmiðuð vinnurými handa ólíkum hópum fólks.